Marcel Schmuki




Abschied

Ich glaub, das isch's gsi
Es isch alles gseit
Verbii isch verbii
Und keine isch gfeit
Wenn alls andersch chunnt
Und nüt meh zrugg bliibt
Und vum Laufe wund
Än Traum am Bodä liit.

Selbscht Ring und Schwüür
Wo mer damals händ gmacht
Sind wie d'Gluet vum Füür
Vergangen über Nacht
Vilicht hämmer beid
Nöd gnueg däfür to
Mag sii s'gaht nöd z'zweit
Und s'isch besser äso.

Nach dir wer weiss
Was do no wird cho
Uf dä wiitä Reis
Am Läbä no
Öb i d'Äsche wo bliibt
Rege fallt schwer und grau
Öb neuis Läbä triibt
Unter sunnehellem Blau.

Gnau so wie du
Han ich alls verschenkt
Gnau so wie du
Hett ich's niemals denkt
Genau so wie du
Hani ghofft, es gäch scho
Genau so wie du
Hani's andersch gseh cho