Numä halb so schön

Chumm inän und nimm Platz, dä Tisch isch scho deckt
D'Olive und dä Wy stönd parat
D'Nacht hät ihri rote Fühler usgstreckt
S'git Bruschetta und Ruccola-Salat
S'isch schön, dasst do bisch, s'isch schön, dass di git
Ich freu mi uf dä Obig mit dir
Mit dir isch's immer, als gäb's gar kei Zyt
Kei Angscht, kei Grenze zwüsched dir und mir

Und alls wär numä halb so schön
Wänn du nöd bi mer wärsch
Und dä Nacht fehltet all die Tön
Wo du mir immer wieder erklärsch

Dä Tisch isch nöd gross, aber s'gseht gmüetlich us
So farbig und mit Liebi zum Detail
Mit dä Cherze und äm frische Bluemstruss
Wird das äs hübsches Tête-à-tête für euis zwei
Eimal meh zeigsch du mir, du bisch für mich do
Du hebsch zu mir, was immer au chunnt
Luegsch mi a, lachsch mer zue und nimmsch der no
Äs Bruschetta und für äs paar Sekund ... dänk i

Refrain