Marcel Schmuki







Advent (... Event Advent)

Dur di lääre Gasse
Gsehsch dä Winter cho
Und d'Beizer händ Terrasse
Lengschtens inä gno

S'fägt än chalte Wind über Dächer
Und bald fallt dä erschti Schnee
D'Jungschwän mit wissä Fächer
Dümplet uf äm See

Advent Advent
Wänn di erschti Cherze brennt
Und numä jungi Liebespäärli
Gänd sich ohni Händsche d'Händ

Will dä Biiswind fägt über d'Bruggä
Er pfiift im höche Ton
S'Rheuma fallt eim chalt in Ruggä
D'Apotheker händ Saison.

Advent, Advent
Wänn die zweite Cherze brennt
Träumt mer hindrem Chachelofä
Vu warme Südseestränd

Will s'luftet iisig-chalt dur d'Platane
Wo ihres Kleid verlorä händ
Und d'Chind sind lengscht am planä,
Was undrem Chrischtbaum wänd.

Advent, Advent
Wänn die dritti Cherze brennt
Ghörsch “Stille Nacht” im Globus,
Bis zum bittren End.

Und s'fägt än chalte Wind über d'Herze
Wo ohni öpper sind
Chartegrüess mit falsche Terze
Als einzigs Christuschind.

Advent, Advent
Wänn die vierti Cherzä brennt
Gsehsch ä Welt, wo voll Elan
Im Schnäggetempo rännt.

Und hofft sie chäm beziitä
Irgendwo a
Won än Stern sie heräfüehrt ...