Alls passiert immer mir

Fahr ich ämol in Süde dänn chasch sicher si äs schifft
Und im Hotel, woni buecht han, streikt garantiert dä Lift
Mis Zimmer liit – wo suscht – im 10. Stock und isch versifft
Will alls passiert immer mir

Und am andre Morge früeh weckt mi nöd dä Sunneschii
Sondern dä Kompressor vu dä Baustell vis-à-vis
Und sälbscht dä tüüri Chianti entpuppt sich jetzt als Chopfwehwii
Will alls passiert immer mir

Mit ihrä, han i dänkt, gäch das Päch verbii
Mit ihrä, han i ghofft, chäm s'Paradiis
Doch d'Eva isch giftig wien ä Schlange gsi
Und sither goht's mer dopplet mies

Per Express hanere gschribä, ich hoff sie schrieb mer bald
Sie hät's Express retourniert und ich han erscht no s'Porto zahlt
Egal wie heiss ich brenn, ich weiss, es loht sie total chalt
Will alls passiert immer mir

Mit ihrä, han i dänkt, gäch dä Fluech verbii
Mit ihrä, han i ghofft, heig das äs End
Ich chöng us äm Volle schöpfe und au mal glücklich si
Und stäch nümän nur am Berg mit lääre Händ.

Doch s'Läbe insgesamt isch für mich nöd grad än Gnuss
Will ghauen oder gstoche, mir git's immer eis uf d'Nuss
Jetzt hocki da im Hotel und im TV lauft nur Stuss
Und ich weiss, es füehrt kein Weg zu dir
Will alls – alls, alls, alls – passiert immer mir