Marcel Schmuki






Gelati

Feriezyt! D'Familie Meier liit am Strand
S'Mami isch am Natel, dä Papi liest dä Blick
D'Sunnä schiint heiss und Glacé git's am Glacéstand
Dolcefarniente – äs wahrs Idyll.

Doch da plötzlich chunnt di chliini däher
Zupft s'Mami am Ärmel und seit:
“Mami, mir isch äs so langwiilig,
So schrecklich langwiilig, do unän am Strand.”

Und s'Mami schaltet s'Natel us
Und au dä Papi leit dä Blick äwäg
Und zämä gönd's an Glacéstand
Und chaufed drü Gelati chüel und frisch.

Und dänn ligget's wieder uf dä Liegestüehl
Sie mit äm Natel und er mit äm Blick.
Und s'isch niemerem meh langwiilig,
Überhaupt nümä langwiilig, dunän am Strand.