Marcel Schmuki






Mini Händ uf dinä Hüfte (Heidi)

Mini Händ uf dinä Hüfte, Heidi, heieiei!
Hett nie dänkt, dass es da no git
Und bim Tanze streifet dini nackte Bei
Mini Chnü bi jedem Schritt
Grad bim erschte Slow
Hämmer euisi Chance packt
Und z'zweite wie im Flow
Wieget mir euis jetzt im Takt

Mini Händ uf dinä Hüfte, Heidi, heieiei!
Guet zwänzg Jahr träum i dävo
Und hüt fühl mi endlich, als chämt i hei
Und müsst nie meh furt vu do
Als wär dä Augeblick
Ällei für euis bestimmt
Vunärä Fee, wo euisers Gschick
Endlich i ihri Arme nimmt.

Mini Händ uf dinä Hüfte, Heidi, heieiei!
Mir wüsset beid, sie ghöret det nöd hi!
Wüsset lengschtens, dass bi dir dähei
Scho öpper wartet, wo bi dir will sie.
Und euis bliibt nur das Lied
Oder äs paar Stund im Kinosaal
Egal wie fescht, dass's riesst und zieht
In euis inä jedes Mal.

Mini Händ uf dinä Hüfte, Heidi, heieiei!
Mängisch glaub i nümm so recht,
dass es je no git ...
Aber jetzt bim Tanze streifet dini nackte Bei
Mini Chnü bi jedem Schritt.