Marcel Schmuki







Morgeblues

I kas jedä Morgä kuum erwarte, s digital Gepiip holt mi us äm Gartän Eden und s'isch jedäs Mol widär toll, will “Morgenstund hat Gold im Mund”, und dänn dänki an mi Tag und freui mi äso, hä jo ... !

Und denn packi mini siebä Sachä und machä mi uf d'Sockä und hockä zmitzt im Verkehr und das isch sehr intressant meh gseht so allerhand ä hufän frindligi Lüüt wo per Zuefall au grad hüt uf dr Pischtä sin und go schaffä mien ...

Während achtähalb Stund bini ohni z'liegä total kreativ, mental am fliegä, au s'Arbeitsklima im Team isch prima und Gspröch über s Wätter mache s'Läbä läbänswerter niemer het dr Blues alli gsehn so glücklig us ...

Zfriidä fahr i denn z'Obä wieder heim, i dänkä an mi Tag und sag mer insgeheim, dass i i däm Sinn ä Glückspilz bin, will mi Job isch top, är isch so hip und so hop und bald scho schlof i i, will dr Wecker lüütet gli ...