Marcel Schmuki





Niemals nie

Es isch Samstig und ich dänk immer no a sie
Bi kaputt vumä zimli stränge Tag
Hett nie dänkt, dass es so schwär chönnt si
Und dass ich sie immer no ä so mag
Natürli isch's besser für beid
Wenn än neue Wäg vor euis liit
Euisi Gschicht, euisi Gmeinsamkeit
Werdet mer vergässe mit dä Zyt

Trotzdem fählsch mer irgendwie
Ich überlegg und denk: niemals nie
Gspür weiss nöd woher/wohii und wie
I mir drin das komisch Zieh

Dass uf ein Chlapf so alles fertig sell si
Wutt mer glaubs nöd ganz in Chopf
Eis Wort hät glangt und die unbeschwerti Harmonie
Isch vum Sims gheit wien än Bluemetopf
Chamer Scherbe wieder chläbä
Und wachset Rose wieder nah
Chönd toti Wurzle überläbä
Und lohnt sich's z'glaube dra?