Marcel Schmuki







Single

Wieder sonä laui Summernacht
D'Stimmig am See isch ä wahri Pracht
Ich spazierä so ä chli am Ufer entlang
S'Obigrot verglüeht grad hinderem Hang
Do plötzlich taucht vor mir äs Bänkli uf
Und uf dem Bänkli obä druf
Gsehn i grad so zwei symbiotisch vereint
Grad voll am Knutschä wie mir scheint

Das macht mir gar nüt us, will..

Single si, Single si isch so toll
Ich dänks jedä Tag, dänks jedä Tag momol
Ich fühl mi ehrlich gseit - sauwohl
Will Single si das isch so toll

Vu früeh bis spot und vu spot bis früeh
Chani machi was i wott und gib mer würklich Müeh
Alli Herzä stöhnd mir jetzt sperrangelwiit
Offän und ich flirtä so zum Zytvertriib
Verbindlich unverbindlich luutet ab sofort
Mini einzig Hymne und mis letschtä Wort
S'cha cho was will äs isch mer gliich
Mini Freiheit tuusch i nöd gägän äs Königriich

Refrain

Zueggä ich bin Ma und nöd us Stei
Und mängmol so im Stillä und für mich ällei
Überleg mer scho ä chli wiä's ächt so wär
Wänn i wieder eini kännälernti ungefähr
Eini wo s'gliich dänkt und single isch wiän ich
Wo mit mir chunnt uf d'Reis, jä, äs wär mer gliich ...

... und tatsächlich hani eini känäglehrt
Es hät sich so ergäh und ganz unbeschwert
Hät sie mir us ihräm Läbä verzellt
Was sie äso dänkt und was für Frogä sie sich stellt
Do plötzlich wiän än Blitz isch's passiert
Und mit Schmetterling im Buch frag ich sie liecht geniert:
„Du, häsch du nöd aus Gfühl, du und ich
Mir dänked so i ziemlich vielem ziemlich s'Gliich?“
Und sie seit: Momol, will au sie findt ...

Refrain

Ich fühl mich ehrlich gseit – sauwohl
Will single si, das isch so toll!