Marcel Schmuki






Nachtvogel

Am Obig immer dänn wänn's dunkel wird
Flüg i wieder zrugg zu dir
Ich starte dur dä Tag
Bis i nur no öppis mag
Immer wieder zrugg zu dir.

Helli Sunnästrahle
Sind nüüt für Flädermüüs
Bim Schloof i dä Vertikale
Zell i scho mol d'Schoof für üs
Ich bin äs Mondchalb sunneklar
Und flüüg lieber uf Radar.
Immer wieder zrugg zu dir.

Am Tag han i wien äs U-Boot
S 'nachtschwarze Meer im Bluet
Strande pünktlich mit mim Echolot
I dim Hafe mit dä Fluet.

Refrain

Dä Helios spannt dä Wagä
Hinter sini Himmelsross
Jetzt goht's dä Nacht an Chragä,
Dä Tross rast wien äs Gschoss
Steil duruuf Richtig Zenit
Ich fahre schwarz uf äm Trittbrett mit
Immer wieder zrugg zu dir.

Bim Füürlauf dur dä Tag gspüri
Unter minä bluttä Sohlä,
Wie dä Suurstoff us dä Gfrüüri
Zischt uf dä rote Cholä.

Refrain

Und wänn d'Üüle zwüsched dä Süüle
Vu dä Bäum schafsinnig Slalom flügt
Und d'Farb vu üsnä Träum
Kein tageshelle Pfunzleschiin trügt
Bin i wieder zrugg bi dir.